Lomba Nulis Blog Ngapak

Dasar
1. Basa ngapak kuwe warisan kang ninine sing aja nganti ilang butul kiamat.
2. Maca tulisan nang Kompas cithak tanggal 17 Juli 2010 halaman 12, sing nyebutna basa ngapak wis meh punah, utamane nang kalangan bocah nom noman.
3. Ndeleng kenyataan nek blogger ngapak suwe suwe mbuh pada maring ndi nganti ra tau ngapdet maning.
4. Sing pada komentar nang blog sing nanggepi tulisan kompas kuwe pada ndukung nek dianakna lomba nulis ngapak liwat blog.

Umum

1. Jeneng Kegiatan :

Lomba Nulis Blog  Ngapak

2. Wektu :

Ket siki nganti wulan September 2010

3. Nggon :

Nang bloge dewek dewek

4. Panitia :

Rawin, Semar, Grontol, Ali Rahmat.

5. Juri :

Kategori Artikel : Ali Rahmat, Akmal Lutfi, Grontol

Kategori Cerita : Ahmad Tohari, Bowo Leksono, Samidi Curanmor

Kategori Puisi : Semar, Pacul

6. Hadiah :

Novel Jenginger karya Ahmad Tohari. Kuwe novel Bekisar Merah tapi sing versi ngapak. Masing-masing kategori dipilih 3 pemenang. Ditambah 1 juara favorit mengko diwei copy novel Ronggeng Dukuh Paruk versi ngapak.

7. Peserta :

Sapa bae olih melu ora dibatesi wilayah domisili asal esih nang alam dunya. Tapi batasan wilayah sing diangkat nang tulisan dibatesi khusus daerah sing berbudaya ngapak meliputi wilayah eks kars. Banyumas, Tegal, Kebumen karo sekitare.

Teknis Lomba

1. Lomba sifate onlen liwat blog. Ora olih liwat imel, surat apa maning sms. Nek ngirim wesel olih, tapi ora dipelokna lomba.

2. Peserta wajib duwe blog. Bloge bebas, sing penting bisa diwaca nang sapa bae tanpa kudu ndaptar meng hosting bloge.

3. Basa umum nang blog juga bebas ora kudu blog khusus ngapak.

4. Nek arep melu minimal ndaptaraken 1 tulisan sing kudu nganggo basa ngapak. Ora ngapak keplak.

5. Nek nganggo kata sing ora umum, sifate lokal apa kur dingerteni nang daerah tertentu sing lingkupe sempit, kudu diwei keterangan artine nang akhir tulisan. Misale kata gathengan. Pengertian wong Cilacap sing wis terinfeksi curanmor mesti beda karo wong Jawa umume. Dewei keterangan kuwe nang akhir tulisan.

6. Tulisan didaptarna nang kolom komentar blog sing kiye. Lebokna bae link tempat posting tulisan kuwe paling telat tanggal 30 September 2010 jam 24:00 WIB

7. Jumlah tulisan ora dibatesi. Tambah akeh tambah maen.

Kategori Tulisan

Tulisan sing dilombakna dibagi 3 kategori: artikel, cerpen dan puisi/pantun.

Tema go artikel dibagi 3 sub kategori :

1. serba serbi bahasa ngapak

2. wisata, budaya atau sejarah daerah penutur ngapak

3. kondisi terkini atau kritik sosial

Tema go cerpen dibagi 3 sub kategori :

1. cerita remaja

2. cerita budaya

3. cerita dagelan

Tema puisi/pantun bebas. Sekarepe rika pokoke.

Aja klalen dewei keterangan nang ngisor tulisan, arep dilebokna kategori trus tema apa tulisan kuwe. Misale kategori: artikel 

Penilaian

1. Nek link wis didaptarna nangkene, juri arep nglongok meng TKP trus dibiji.

2. Gole mbiji sisteme tertutup trus keputusan juri ora bisa diuget-uget.

3. Pemenang mengko diumumna nang blog trus sing menang dihubungi liwat imel go konfirmasi pengiriman hadiah.

Muga muga basa ngapak tetep lestari

Salam budaya

Rawins

Tambahan :

1. Nek ana sing bingung tentang lomba apa arep nyumbang saran, kripik atawa mendoan tulis bae nang kolom komentar blog kiye apa kirim  imel meng alamat ngapak@rawins.net

2. Tulung direwangi publikasi meng kanca-kanca ngapak.

3. Tulisan sing bermutu lan berciri khas arep diarsipna trus digawe e-book go dibagi-bagi meng kanca-kanca  lembaga budaya lan jaringan radio komunitas.

4. Peserta kudu setuju nek tulisan sing dilombakna olih didadikna bahan radio komunitas apa digawe skenario nang kanca-kanca komunitas film lokal tanpa royalti asal ora go kepentingan komersial. Kecuali ana kebijakan kang  komunitas sing bersangkutan.

5. Hal-hal sing urung jelas diatur ngko-ngkoan. Nyong tek medhang dimin, kesel ngetik bae...