Duit Benggol

Nang ndusun daerah Cilacap ana uwong sing saking ora nduwene, isine amben ndina bingung tok. Wong gue ndresula "Duh, mumet temen yah. Kaya gie kerja ora payu, golet duit angel, biyunge bocah reang bae si tepleng njaluk jajan terus maning. Hulah jyan jyan. Nyong sih kon kepriwe nek kaya gie terus, apa embane jaman wis merdeka kon nganti mati kencoten.."

Nah mungkin anu wis saking mumete, akhire dari pada suntuk wong gue mlaku-mlaku. Geh sedulur, men nggone cerita kepenak wong gue di jenengi Somad bae lah ya :) hahaha lanjut..

Wis biasa, nek wong agi mumet ya mlakune karo ndupaki apa sing kira-kirane kena nggo di tendang. Nah ndilalaeh ijig-ijig kang somad ndupak bunder-bunder kaya duit, penasaran barang gue di jiot trus di ileng-ileng, kalingane anu duit benggol ( duit kuna sing nggo pranti kerokan ).

Kang Somad mbatin "gie duit siki wis jarang, njajal tek gawa meng bank lah mbok payu.."

Ora kesuwen duit mau di gawa meng bank, gutul bank langsung takon meng karyawatine "Yu, geh ngeneh sedela, nyong arep adol duit gie, kira-kira payu ora yah Yu.."

Karyawatine njawab "lah jyan rika, duit kaya gue ya ora payu lah, ngapa-ngapane rika jyan. Geh ya tek waraih, njajal rika takokna meng wong-wong sing seneng ngoleksi barang-barang antik mbokan gelem tuku"..

Ora kesuwen kang Somad nggoleti wong sing kaya gue, ndilalaeh nemu. "kang, aku arep adol duit gie, rika gelem tuku ora.."

tukang koleksine ngileng-ngileng duit gue karo njawab "deneng duite ireng temen kang, duit kuna yah. Geh Kang, men pada-pada kepenake, gie tek bayar 25ewu gelem ora.."

Kang Somad mandan semangat "ya wis ora papa, ndi ngeneh duite.." kang Somad mbatin "hmm, beja temen yah, duit kaya gue payu 25ewu.."

Ora adoh sekan kono kang Somad ngerti ana wong adol kayu bekas, ndilalaeh Somad ya agi butuh kayu nggo ndandani rak piring sing arep ambruk. Sidane duit mau nggo tuku kayu kabeh. Kayune di gawa bali, nang ndalan ana Tukang kayu sing ngerti. Kalingane kayu sing di gawa nang kang Somad kayu jati tua, nang tukang kayune kang Somad di ndeg..

"kang, kayune rika apik temen koh. Ngeneh tek bayari 50ewu ulih ora.."

Somad njawab "ya nyeh nek gelem 75ewu tek wekna.."

Tukang kayune gelem, sidane kayu gue di dol. Nang kono tukang kayune ya adol lemari mbarang, duite sidane nggo tuku lemari.

"kang, umahku adoh. Aku nyilih grobage ya nggo nggawa bali lemarine.."

Tukang kayune njawab "ya ngonoh kang, tapi ngko balekna maning luh.."

Nang Somad lemarine di gawa bali karo gerobag nglewati perumahan. Ijig-ijig ana wong takon "punten Pak, gue lemarine piraan.."

Somad mbatin "deneng aku ndarani bakul"..
"200ewu bu.."
Ibune njawab "Larang temen, 150ewu ulih ora.."

Sidane lemarine di dol, kang Somad mbalekna gerobag karo rasane seneng banget.. "ngimpi apa gie aku mau mbengi, jyan ulih rejeki nomplok pisan"..

Rampung mbalekna gerobag, nang nggon sing sepi kang Somad mandeg arep ngitung duite. Ndilalaeh ijig-ijig ana preman liwat, duite di jaluk kabeh. "waduh.."

Bojone sekan kadohan ngerti trus takon "bapake, kae wong loro miki tes njaluk apa meng rika.."
Somad karo lemes njawab "udu apa-apa mak, gur anu njaluk duit benggol tok.."
"oh, jarku tes njaluk apa.."
sidane Somad bali karo mbatin "huasemm, dasar kere ya tetep kere bae.."

>>Tulisan Asline